قوانين القسم العام

بسم الله

كلمتين هنتفق عليهم

اول حاجه لازم نعرفها هى الإلتزام بلغة الحوار الهادئ
مهما كانت فكرة الموضوع
لأن الانفعال مش هيوصلنا لحل

تانى حاجه هى إحترام أفكار بعض
يعنى ممنوع السخرية من أى فكره موضوعه فى القسم

طبعا نراعى الرد بأسلوب راقى
وخليك فاكر إن كلامك بيدل عليك
يعنى عدم إستخدام ألفاظ خارجه وعدم التعرض لأى عضو بالإتهام أو السب أو الاستهزاء

ممنوع وضع الإيميلات أو أرقام التليفون أو روابط لمواقع أو منتديات أخرى تحمل نفس المواد المعروضه فى المنتدى

ممنوع الدعاية لمواقع و منتدايات أخرى بأى شكل من الاشكال قبل الرجوع للإداره

طبعا ممنوع كتابة المواضيع المقصود بها الإساءه للدين الإسلامى أو التشكيك فيه

عدم التعرض لأصحاب الديانات الأخرى بأى كلام جارح أو مستفز
وتذكر قول الله تعالى
" لًََََََكُمْ دِينُكُمْ وَلِىَ دِينِ "
وتذكر أنت لست مؤهل للدعوه لدينك
فيه علماء وأشخاص مرموقه ودارسين لعلوم الدين متوليين الأمور دى

حاجه كمان
يحق لمشرفين القسم
مسح أى موضوع خارج عن حدود القوانين المتفق عليها

وممنوع وضع أى موضوع فى غيره مكانه
والإ هيتنقل من غير علم صاحب الموضوع
القسم العام ساحة حوار لأى موضوع
بشرط
إن الموضوع ميكونش ليه قسم معين
: ملحوظه
ممنوع وضع المواضيع اللى بتدور حول سؤال الاعضاء على حاجات معينه
ايأ كانت الاسأله
واللى مكانها اقرب لقسم اسرة المنتدى اكتر من القسم العام
علشان كده اى موضوع هيتعمل فى القسم العام من التوع ده
هيتم نقله للقسم المخصص
وهناك هيتطبق عليه قوانين المنتدى ثم قوانين القسم نفسه
:كمان ملحوظه
ياريت يا جماعه محدش يكتب او ينقل اكتر من موضوعين يومين
ده علشان نراعى حق الاعضاء اللى بتتعب فى عمل المواضيع
وعلشان نبقى على نور اللى مش هيلتزم بالقوانين دى
ميجيش يشتكى بعد كده ان مواضيعه بتتمسح

متهيألى مفيش زعل كده
راعوا ربنا بس وإن شاء الله كل حاجه هتبقى زى الفل