نفسى الأقى نفسى...!!!

السلام عليكم
جئت اليوم لأحدثكم فى موضوع قد يكون غير مهم بالنسبة لبعضكم أو قد يكون لم يخطر على بال بعضكم او لم يعيره انتباه.

.تقدير الذات.

مش هادخل بقى فى تعريفات لغوية ونفسية ونقعد نشرح ونعقد الدنيا.. مالوش لازمة.

كلنا او معظمنا عايشين وخلاص وبيعدى يوم بعد يوم واديها ماشية .

كام واحد بقى فكر لأ انا ما تولدتش عشان كده ربنا ما خلقنيش عشان الدنيا تعشينى مش انا اللى اعيشها الدنيا تمشينى على مزاجها مش انا اللى امشيها على مزاجى.

مين كده قعد وفكر وقدر.

بس قدر ايه قدر ذاته قدر فعلا يحافظ عليها ويكرمها ويحترمها.

تسأل واحد أنت بتحترم نفسك يقولك ايه ؟ انت بتقول ايه ....طبعا.

تسأله طيب ازاى ...يسكت وما يعرفش يرد.
معاكم اغلبنا كده.

بس نفكر يعنى ايه تقدير الذات يعنى اقدر نفسى احترامها افهمها ما سيبهاش كده للاهواء لأ احدد هدفها واحمسها واعينها اعرف قدراتى واللى اقدر اقدمه وافيد بيه نفسى ودينى والناس اللى حوليا.

عاوز تقدر ذاتك يبقى لابد تحدد هدفك ما تهلكش نفسك فى حاجة ولا هاتفيد ولا حاجة وتضيع طاقتك فى امور وحاجات مش هاتنفع.

طيب نعمل ايه بقى عرفنا المطلوب نطبق ازاى.؟؟!!

أول حاجة لابد نعملها وقفة مع النفس ومصارحتها حاسب نفسك شوف موقعك ايه دلوقتى من الاعراب.

أنت فين من الحياة يا ترى على هامش الحياة بتتفرج بس وللا انت فى قلب الحياة وبتأثر عليها وبتغير فيها ووتر حساس ؟؟!!

أنت بتعمل ايه؟؟!!

انت ايه ؟؟!!

وانت عاوز تبقى ايه ؟؟!!

ويا ترى انت ماشى فى الطريق الصح اللى بيه بتساعد نفسك وبتنمى مواهبك ؟؟!!!

وللا انت حاجة والطريق اللى ماشى فيه حاجة تانية خالص؟؟!!

فبكده بتدفن موهبتك وتميزك!!

فهمت نفسك خلاص وللا لسه؟؟!!

بسمعها كتيييييييير قوى الجملة ديه(نفسى الاقى نفسى.)

طيب ونفسك راحت فين ملت منك وللا أنت اهملتها فاجبرتها على الرحيل وللا ماتت بين خفايا امرك ولكنك اخذت تبحث عنها بين نفوس الأخرين.

أنت ليه بتلف وتدور ركز كده وانت هاتعرف أنت فين.

ولما تعرف هنا هاتقدر ذاتك هنا هاتعرف طريقك وهنا هتتخطوا اول خطوة فى طريق الحياة لأنك هنا رسمت طريقك بنفسك طريق يحقق ذاتك مش مشيت فى طريق حدده الاخرون لك تبعا لاهوائهم .

صارح نفسك وخليك فعال فى الحياة اعرف انت مين وليه ؟

واخر حاجة أحب اقولها ان كل نفس بما كسبت رهينة .

خلى حياتك كلها موجه لتحقيق هدف سام خلى كل عمل بتعمله وقول بتلفظه من أجل هدف معين ساهم فى نصرة دينك فى نصرة ربك فى نصرة رسولك.

أبدأ بنفسك ثم بالأخرين.

اعرف ان أنت مستقبل الأمة كله متوقف عليك ايوه متوقف عليك لو كل واحد فكر كده يبقى كلنا هانعمل صح وهانمشى فى الطريق الصح الطريق اللى احنا موهبين فيه نقدر نفيد فيه وسنرتقى بالامة ككل.

حاول تصلح فى موقعك .

وأخر تعليق أحترامك وتقديرك للاخرين نابع من احترامك وتقديرك لذاتك وثقتك بها وبقدرتها.

جه الوقت اللى لابد نقدرها فيه ونحترمها ونحترم رغبتها .

قدر ذاتك تنعم بحياتك.
م ن ق و ل

بصراحة جباااار واثر فيا موت

المساهمات : 50 تاريخ التسجيل : 05/10/2007

توبيك هايل هايل هايل يا دنيا بصراحه

بس عندى رأييى فى حوار الناس الى مش لاقيه نفسها دى

اعتقد ساعات بيكون السبب البيت عشان من الصغر ممكن فى بيوت كتير مش بتدى فرصه للولالاد الصغيريين هما يكونوا اصحاب القرار

لو الولد من وهو صغير اتعود يكون له رأيى ويكون رأيه دا بيتعمل بيه ويكون طريق لتغيير سير عملييه معينه فى البيت اكييد هايحس بنفسه ويقول انا كدا ليا دور فى البيت

اعتقد وبشده لو الحوار دا حصل فى كل بيت هانتقدم كتير اوى اوى

توبيك هايل مره تانيه يا دنييا واسف على الاطاله

عندك حق طبعاااااااا

البيت بيكون اساس اى تاثير على الشباب والاطفال

ولازم طبعا التفاهم والحوار

بس بما اننا فلتنا من اهلنا فى الحوار ده

يارب نحافظ عليه بقى الاجيال الجاية مع ولادنا ان شاء الله

ونورت يا مودى وميرسى ليك وبرضه انت تاخد راحتك
مشرف بقى Like a Star @ heaven

» اختبار نفسى خش واختبر نفسك لعل وعسى