نمره موبايل الريس لو حد عاوز منه حاجه, الريس معاك عالخط

المساهمات : 104 تاريخ التسجيل : 06/10/2007

بالصدفه البحته جالي ايميل و قولت اشوفه
كان يحمل عنوان
رقم محمول الرئيس
عجبني جدا و قولت تقروه معايا
و يارب يعجبكم

رقم محمول الرئيس
بقلم ا. هيثم أبو خليل
ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!

فرحة كبيرة ... إنتابت الجميع ....
كان أمل الجميع ..شرف مكالمة الرئيس ....وعرض مشكلته عليه ...

حتي الأطفال ... أحبوا أن يكلموا ..عمو الريس
وطلبوا منه طلبات غريبة جداً .... عيب أقولها لكم

أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))
ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))
وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))
هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...
وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...
جاءت ساعة الصفر .... وبدأت الخدمة ... وتلقي الرئيس عدة مكالمات :

المكالمة الأولي :
- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟

المكالمة الثانية :
- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...

المكالمة الثالثة :
- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....

المكالمة الارابعة ...
- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....

وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟

يارب يكون التوبيك عجبكم و مستني ردودكم

المساهمات : 128 تاريخ التسجيل : 10/10/2007

توبيك جامد جدا جدا جدا ياواد ايه الحلاوة دى

المساهمات : 50 تاريخ التسجيل : 05/10/2007

توبيك جميل مووووووووووت

بس عندى اعتراض هههههههه طفيف يعنى

اولا طريقة عرض رقم الموبيل فى الشوارع دى طريقه اعلان مسحوق سافو مش نمرة الرئيس tongue

ثانيا والاهم فى رئيس هايقول ايون بردوا يا شيخ اتلهى

وشكرا وتم غلق الخط Very Happy

مش عارفة اقولك ايه
بس من باب اولى كان يشوف مطالب الناس
بتاعت الضرائب العقارية
اللى سايبين بيتهم وولادهم بقى لهم اسبوع
علشان يتساوو بالضرائب العامة بما انهم تحت نفس الوزارة
اللى هو اصلا حقهم واتمنع من اكتر من 15 سنة علشان بعض الوزرا اشترو اراضى فى اماكن معروفة
ولو كانو كملو مساواة بينهم كانو الوزرا دول هيدفعو فلوس

ميرسى يا سمسم بجد توبيك يعقد

المساهمات : 77 تاريخ التسجيل : 06/10/2007

اية التوبيك الجامد دة

والصراحة الريس تعب اعذروا الراجل

حل اربع مشاكل بحالهم

وحلهم حل تمام اخرها قفل الخط

ههههههههههههههه

ونعم الرئاسة هما دول الي بيحلو مشاكلنا

لا يممودي جة اعلان اتصل ةانت تكسب مع مية فصلة ومع الريس حتكسب وتعيش

هههههههههههههههههههه

تسلم ايدك علي التوبيك

» معاك مصباح علاء الدين هتطلب ايه ؟
» عـربيات تعقد ولو مش عاوز تتعقد بلاش تدخل ؟؟؟؟